Námskeið og ófærð

Fimmtán félagar í AFLi sitja nú bræðslunámskeið á Breiðdalsvík. Leiðbeinandi á námskeiðið sat veðurtepptur í Reykjavík í kvöld en kemur með fyrstu vél austur. Staðgengill var fundinn til að hlaupa í skarðið á meðan.

Þá var fjölmenni á námskeiði félagsins „Nýttu þér netið" sem haldið var á Egilsstöðum í fyrrakvöld þar sem farið var í grundvallaratriði vefnotkunar fyrir þá sem lítið hafa komið nálægt slíku. Á námskeiðinu var meðal annars ný heimasíða AFLs kynnt og þátttakendur stofnuðu póstföng og skoðuðu ýmsa möguleika netsins.