AFL starfsgreinafélag

Til góðra verka

 

AFL starfsgreinafélag AFL starfsgreinafélag AFL starfsgreinafélag AFL starfsgreinafélag AFL starfsgreinafélag AFL starfsgreinafélag AFL starfsgreinafélag

Slegið á útrétta hönd

Forysta ASÍ og SA hefur síðusta daga unnið að hugmyndum um aðkomu aðila vinnumarkaðarins að lausn efnahagsvanda þjóðarinnar. Formannafundur SGS lýsti í gærkvöldi fullum stuðningi við þá vinnu og sátu formenn nánast allra aðildarfélaga SGS á fundi og biðu þess að skilaboð kæmu frá ríkisstjórninni um aðgerðir. Þau skilaboð komu aldrei og fóru formenn SGS félaga svo og aðrir forystumenn aðildarfélaga ASÍ brott úr húsi Sáttasemjara, fullir óvissu.

Skúli Thoroddsen, framkvæmdastjóri Starfsgreinasambands Íslands, ritar um atburðarrásina á heimasíðu SGS í dag og segir m.a.:

Án samráðs við aðila vinnumarkaðarins. - Leikbrögð bankanna. Sú alvarlega spurning hlýtur þó að sitja eftir; um hvað snérist málið? Svar: Leikbrögð. Leikbrögð Kaupþings og Landsbanka sem í gær kl. 17:00, náðu samkomulagi um hugmyndir um hvernig bankarnir tveir gætu unnið saman að því tryggja stöðugleika í fjármálalífinu í samvinnu við ríkisstjórn og Seðlabanka, án samráðs við aðila vinnumarkaðarins.  Svo virðist sem þessir aðilar hafi ekki hag af agaðri peningamálastefnu.  Menn þurfa að geta leikið sér frítt, það þarf að vera unnt að viðhalda vaxtaokrinu,  Davíð í Seðlabankanum og tangarhaldi á íslenskum almenningi. Meðan á þessum leikbrögðum stóð var bankamálaráðherrann í símanum við útlönd. Það reyndist óþarfi.

Ath. Þegar þetta er ritað liggur fyrir tilkynning frá Fjármálaeftirlitinu um að loka fyrir viðskipti með bankana. Ákvörðunin er tekin til að vernda jafnræði fjárfesta, meðan beðið er eftir tilkynningu,  þ.e. niðurstöðu af leikbrögðum helgarinnar.

Eftir stendur að á miðjum degi í dag eru engin viðskipti með hlutabréf bankanna og fréttir um lánafyrirgreiðslu annarra seðlabanka eða lánastofnana láta bíða eftir sér. Forsætisráðherra bauðst að stilla upp sameinuðu liði í þjóðarátaki gegn þeirri efnhagsvá er blasir við, en hann kýs að spila með þröngum klúbbi bankamanna - þeirra hinna sömu og hafa steypt þjóðinn i í botnlausar skuldir.

Verðmæti ráðgjafar þessara "sérfræðinga" fjármálaheimsins er öllum ljóst í dag en samt er sótt í þann "viskubrunn."

einn rettur logo 002            VIRK starfsendurhæfingasjóður     vertuaverdi