AFL starfsgreinafélag

Til góðra verka!

AFL starfsgreinafélag AFL starfsgreinafélag AFL starfsgreinafélag AFL starfsgreinafélag AFL starfsgreinafélag AFL starfsgreinafélag AFL starfsgreinafélag

Stjórn og starfsfólk AFLs treystir böndin

MývatnUm síðustu helgi fór stjórn AFLs og starfsfólk félagsins að Mývatni og eyddi saman helginni. Mikið álag hefur verið á starfsfólki og stjórn síðustu vikurnar m.a. vegna atvinnuástands á svæðinu og yfirstandandi efnahagshremmingum og þótti því tilvalið að efla samstöðu innan hópsins um leið og farið var í hefðbundið jólahlaðborð.

Ferðin hófst í jarðböðunum við Mývatn og síðan var gist á Hótel Gýg og snætt á Hótel Sel. Tíminn á Gýg var notaður til hópeflis og til að treysta félagsleg tengsl og bera saman bækur sínar.

Ferðin tókst í alla staði vel nema hvað ferðalangarnir misstu af jólasveinunum í jarðböðunum en að sögn eins stjórnarmanns kom það ekki að sök, þar sem nægir jólasveinar voru með í för.