AFL starfsgreinafélag

Til góðra verka!

AFL starfsgreinafélag AFL starfsgreinafélag AFL starfsgreinafélag AFL starfsgreinafélag AFL starfsgreinafélag AFL starfsgreinafélag AFL starfsgreinafélag

Ódýrt flug fyrir félagsmenn AFLs

thumb_ernirAfl Starfsgreinafélag hefur gert samkomulag við Flugfélagið Erni um ódýr flugfargjöld  fyrir félagsmenn milli Hornafjarðar og Reykjavíkur. Verð fyrir aðra leið er 8.000 krónur og  er nafn félagsmanns ritað á miðann við kaup á honum. Miðarnir verða seldir á skrifstofum AFLs á Hornafirði og Djúpavogi frá og með 25. nóvember n.k.

Með samningi þessum vilja Flugfélagið Ernir og AFL Starfsgreinafélag  vekja athygli almennings á flugsamgöngum til og frá Höfn í Hornafirði og hversu nauðsynlegar flugsamgöngur eru fyrir samfélagið í heild.

Miðarnir verða komnir til afgreiðslu á skrifstofu félagsins á Höfn eftir hádegi á mánudag og til afgreiðslu á Djúpavogi síðar í vikunni.  Til að byrja með verða miðarnir aðeins til afgreiðslu á þessum skrifstofum AFLs en hægt verður að fá þá afhenta á öðrum skrifstofum með því að panta þá með nokkurra daga fyrirvara.

Athygli er vakin á því að sýna þarf félagsskírteini AFLs við innritun í flug og að á skrifstofum félagsins verða miðarnir aðeins seldir fullgildum félagsmönnum og miðarnir eru gefnir út á nafn félagsmanns.  Félagsmenn geta ekki keypt miða til notkunar fyrir aðra.