Á glæsilegum aðalfundi félagsins sl. laugardag, sem haldinn var í félagsheimilinu Skrúð á Fáskrúðsfirði, var Hjördís Þóra Sigurþórsdóttir, endurkjörinn formaður AFLs með lófataki.

Ásgeir Sigmarsson, trúnaðarmaður AFLs hjá Alcoa - Fjarðaáli, sækir í dag aðalfund ALCOA í Pittsburgh í Bandaríkjunum. Með Ásgeiri eru þeir Sverrir Albertsson, AFLi, og Björn Ágúst Sigurjónsson, Rafiðnaðarsambandi Íslands. Í gær funduðu fulltrúar verkalýðsfélaga víðs vegar um heiminn sem eiga félagsmenn sem vinna í ALCOA verksmiðjum.

Ársfundur lífeyrissjóðsins Stapa verður haldinn 8. maí nk. í Hótel Reynihlíð við Mývatn, fundurinn hefst klukkan 14:00 og er opinn öllum sjóðsfélögum með málfrelsi og tillögurétt. Atkvæðisrétt hafa þeir einir sem kosnir hafa verið á fundinn sem fulltrúar þeirra aðildarfélaga sem að sjóðnum standa.

Verið er að undirbúa útsendingu félagsskírteina AFLs Starfsgreinafélags. Skírteinin voru útbúin á skrifstofu félagsins og plöstuð og það hefur tekið nokkurn tíma. Reiknað er með að skírteinin komist í póst á næstu dögum. Félagsmenn eru beðnir um að hafa skírteinin við hendina þegar t.d. verið er að nota afsláttakjör orlofssjóðs og við veru í orlofshúsum og íbúðum félagsins.

Baráttudagur verkafólks 1. maí var haldinn hátíðlegur í gær með hefðbundnum hætti, kaffiveitingar, ræður, tónlistar- og leikatriði voru meðal atriða á dagskrá. Vel á annað þúsund manns tók þátt í hátíðarhöldunum á starfssvæði AFLs.
AFL Stafgreinafélag vill koma á framfæri þakklæti til allra þeirra sem komu að framkvæmd hátíðarhaldanna.