AFL samþykkti kjarasamning AFLs/SGS við Samtök Atvinnulífsins

Úrslit í kosningum um nýgerðan kjarasamning AFLs og SGS við SA vegna starfa verkafólks og starfa í veitinga-og gistihúsum lágu fyrir kl. 09:00 í morgun. Beðið var með birtingu úrslita á meðan talningu lauk hjá öðrum SGS félögum. 

Kjörsókn hjá AFLi var þokkaleg eða 31,34%.  2.540 félagsmenn voru á kjörskrá og greiddu 796 þeirra atkvæði.

Já sögðu  684 - eða 85,93%

Nei sögðu 69 -  eða 8,668

Tók ekki afstöðu - 43 eða 5,402%

Samningurinn telst því samþykktur.