Upplýsingar frá Alþýðusambandi Íslands
Hér til hægri á heimasíðu okkar eru tenglar inn á upplýsingapésa er lögfræðisvið Alþýðusambands Íslands hefur unnið síðustu daga. Þar er m.a. fjallað um uppsagnir, ákvæði laga og kjarasamninga við uppsagnarferil, hópuppsagnir og fleira. Þá er fjallað um ábyrgð á innistæðum og útskýrður munur á mismunandi tegundum innlánsreikninga.
Trúnaðarráð AFLs boðað til fundar
Hjördís Þóra Sigurþórsdóttir, formaður AFLs Starfsgreinafélags, hefur boðað trúnaðarráð félagsins til fundar næstkomandi mánudag. Fundurinn hefst klukkan 18:00 og fer fram á Hótel Héraði á Egilsstöðum.
Á dagskrá eru efnahags-og kjaramál, kosning formanns kjörstjórnar, kjör samninganefndar félagsins og önnur mál.
Ráðvillt og dofin þjóð!
Stjórn AFLs sat á fundi þegar Geir Haarde, forsætisráðherra ávarpaði þjóðina í dag. Stjórnarmenn setti hljóða. Ekki síst í ljósi þess að ekki hafði verið óskað samráðs við verkalýðshreyfinguna í aðdraganda þessarar ákvörðunar. En þrátt fyrir sambandsleysi milli ríkisstjórnar og aðila vinnumarkaðarins um helgina réttir ASÍ út höndina:
Í ljósi þeirra alvarlegu atburða sem nú eiga sér stað í íslensku fjármálalífi tekur Alþýðusamband Íslands undir þær áherslur ríkisstjórnarinnar að hagur almennings og fyrirtækja verði tryggður eins vel og kostur er. Alþýðusambandið lýsir sig reiðubúið til samstarfs við ríkisvaldið til að varðveita almannahagsmuni á þessum erfiðu tímum. Nú ríður á að allir leggist á eitt til að fjármálalegum stöðugleika verði náð sem fyrst. Sjá vef ASÍ
Skrifstofur lokaðar - starfsmenn stilla saman strengi
Skrifstofur félagsins verða lokaðar í dag vegna fundar starfsfólks. Svarað verður í síma 4700 300 til klukkan 16:00 í dag og verður Ragna Hreinsdóttir, verkefnisstjóri AFLs við símann. Annað starfsfólk mun koma saman í húsi félagsins á Djúpavogi.
SGS: Formannafundi frestað
More Articles ...
- Slegið á útrétta hönd
- "Munum sýna auðmýkt" - AFL skoðar veraldarvefinn
- Atvinnuöryggi: Alþjóðlegur baráttudagur
- Kortlagningu heimilda að ljúka!
- Leigjendur fórnarlömb gjaldþrota
- AFL: Símenntunarverðlaun 2008
- Miðstjórn ASÍ á Kárahnjúka
- Vinnusöm kjaramálaráðstefna að baki
- AFL Starfsgreinafélag ályktar um kjaramál
- Þokkaleg mæting á kjaramálaráðstefnu