Vegna hitaveituframkvæmda á Einarsstöðum er mikið jarðrask á svæðinu, af þeim sökum hefur útleigu sumarhúsa verið hætt um tíma. í kjölfar framkvæmdanna verður heitum potti komið fyrir við hvert hús. Áætlað er að verkinu ljúki á neðri hring í nóvember og hægt verði að leigja þau út fyrir jól, framkvæmdir verða á svæðinu í allan vetur. Verklok eru áætluð á vordögum.

Almennur félagsfundir í verkamannadeild AFLs Starfsgreinafélags verður haldinn á Hótel Framtíð Djúpavogi laugardaginn 1. október kl. 13:00

Dagskrá:
1. Kosning fulltrúa á þing SGS
2. Önnur mál

 AFL Starfsgreinafélag
 verkamannadeild

Starfsgreinasamband Íslands hefur sent aðildarfélögum tilmæli um að félögin kynni félagsmönnum er starfa á leikskólum viðmiðunarreglur Kennarasambandsins vegna verkfalls leikskólakennara. AFL Starfsgreinafélag birti í gær helstu viðmiðanir og félagið er í góðu sambandi við félagsmenn sína á leikskólum og hefur beint því til félagsmanna að virða leiðbeiningar KÍ og verkfallsvarða. Hér að aftan fer erindi SGS til aðildarfélaga.

I gangi er könnun um ýmis atriði sem snerta kjör og aðstæður félagsmanna AFLs Starfsgreinafélags og Einingar-Iðju, Capacent Gallup sér um framkvæmd könnunarinna. Búið er að senda bréf á þá 3.000 félagsmenn sem valdir voru handahófskennt úr félagaskrám þessara tveggja félaga. Þessa dagana eru starfsmenn Capacent Gallup að hringja í þessa félagsmenn og er það von okkar að þeir sem valdir voru til þátttöku gefi sér tíma til að svara þegar leitað verður til þeirra.

Orlofssjóður AFLs Starfsgreinafélags stendur nú í stærstu einstöku fjárfestingu félagsins frá upphafi,  en verið er að afhenda orlofsíbúðir er félagið hefur keypt í Mánatúni 3 - 5 í Reykjavík - alls 12 íbúðir. Í staðinn voru 11 eldri íbúðir félagsins seldar.