Félagsmenn AFLs Starfsgreinafélags er starfa í grunnskólum – við bjóðum til árlegs starfsdags
14. september nk. í húsnæði félagsins að Búðareyri 1, Reyðarfirði. Félagsmenn FOSA eru velkomnir.
Vinsamlegast tilkynnið þátttöku á This email address is being protected from spambots. You need JavaScript enabled to view it. eða í síma 4700 303. Við munum aðstoða við
að skipuleggja ferðir frá þéttbýlisstöðum félagssvæðisins.
Eins og áður verða fróðleg erindi um skólastarfið og önnur mál. Við bjóðum síðan upp á
kvöldverð að dagskrá lokinni.

Gegnið hefur verið frá kjarasamningi milli Sjómannasambandsins og Landssambands smábátaeiganda.
AFL er aðili að samningum í gegn um sjómannasambandið. Samningurinn fer í kynningu og atkvæðagreiðslu á næstunni. sjá nánar Kjarasamningur 2012

Nýverið barst AFLi Starfsgreinafélagi höfðingleg bókargjöf. Um er að ræða í töluverðu magni, bæði kiljur, skáldsögur og ævisögur.  Bækurnar munu verða félagsmönnum AFLs góð afþreying í sumarbústöðum félagsins á Einarsstöðum, Klifabotni í Lóni og á Illugastöðum.

Gefandinn er Jósep Hjálmar Jósepsson Vopnafirði og kann félagið honum bestu þakkir fyrir.

Frá 31. ágúst er boðið upp á helgarleigu í sumarbústöðum félagsins, nær hún frá klukkan þrjú á föstudegi fram að hádegi á mánudegi, helgin kostar 12.000 kr. Við alla bústaðina eru heitir pottar, við flesta bústaðina er möguleiki á berja- og sveppatínslu. Einarsstaðir, Illugastaðir, Klifabotn einnig er eitt tímabil ennþá laust á Torrevieja, Costa Blanca 17. okt. - 31. október.

Um helgina tók AFL Starfsgreinafélag þátt í atvinnulífssýningunni "Okkar samfélag" sem fram fór í Egilsstaðaskóla. AFL var með kynningu á starfsemi félagsins ásamt 80 fyrirtækjum og stofnunum sem einnig tóku þátt og sýndu hvað í þeim býr, margir nýttu sér tækifærið og kynntu sér sprotafyrirtæki, hugmyndaríkt handverk og gæddu sér á afurðum matvælafyrirtækja á svæðinu.