Samkomulag náðist í deilu bræðslumanna við atvinnurekendur seint í gærkvöld þegar allt útlit var fyrir að fulltrúar SGS gengju af samningafundi þar sem SA hafði tilkynnt að ekki yrði gengið frá aðalkjarasamningi við aðildarfélög SGS nema starfsmenn í fiskimjölsverksmiðjum samþykktu að kjarasamningur þeirra yrði hluti aðalkjarasamnings aðila.
Alþýðusamband Íslands sendi í gær frá sér fréttatilkynningu um að samningar væru komnir á lokastig. Samkomulag hafði náðst milli fulltrúa landssambanda innan ASÍ og fulltrúa atvinnurekenda um launaramma nýs kjarasamnings. Yfirlýsing ASÍ fer hér á eftir.
Fundi samninganefndar SGS sem boðaður hafði verið eftir hádegi á morgun hefur verið flýtt og hefst klukkan tíu í fyrramálið. Þá hefur samninganefnd Samiðnar verið boðuð á fund klukkan eitt.
Á fundi samninganefndar SGS í dag var lýst fullum stuðningi við starfsmenn fiskimjölsverksmiðja, en SA hefur krafist þess að kjarasamningur þeirra verði hluti heildarkjarasamnings - og var tilkynnt fyrir helgi að ekki yrði unnt að ganga frá heildarkjarasamningi við SGS fyrr en samningur við fiskimjölsverksmiðjur væri frágenginn.
Samningafundir héldu áfram í húsi sáttasemjara í dag. Hjördís Þóra formaður AFLs leiddi fund samninganefndar SGS en Hjálmþór Bjarnason, formaður IMA sat fund samninganefndar Samiðnar.
Í kjölfar þess að slitnaði upp úr viðræðum um kjarasamning fiskimjölsverksmiðja hefur SA (Samtök atvinnulífsins) tilkynnt að ekki verði unnt að ganga frá kjarasamningi við Starfsgreinasamband Íslands með samning fiskimjölsverksmiðja opinn.
Fyrirtækjum ber að draga stéttarfélagsgjald af launum starfsmanna og skila til þess stéttarfélags sem samningsaðild á um viðkomandi starf og félagssvæði. Þetta má lesa úr dómi er féll í héraðsdómi Reykjavíkru 29. janúar sl.
