Landsdómur er æðsti dómstóll sem unnt er að kalla saman til að fjalla um embættisfærslur ráðherra. Dómurinn hefur aldrei verið kallaður saman síðan hann var settur á stofn 1905. Dómurinn er skipaður 15 fulltrúum sem þar sem 5 eru þeir hæstaréttardómarar sem lengstan hafa starfsaldur, dómstjórinn í Reykjavík og prófessor í stjórnskipunarrétti við Háskóla Íslands og að auki 8 fulltrúar kosnir af alþingi.

Stjórn Lífeyrissjóðsins Stapa ákvað á fundi sínum í morgun að lækka vexti á lánum til sjóðsfélaga um hálft prósent.

Að sögn Sigurðar Hólm Freyssonar, fulltrúa AFLs í stjórn sjóðsins, var þessi ákvörðun tekin samhljóða af öllum stjórnarmönnum.

Ekki liggur enn fyrir hversu miklu tjóni sjóðurinn hefur orðið fyrir í yfirstandandi efnahagshremmingum.

Átján fulltrúar AFLs auk þriggja ungliða mættu til 8. ársfundar Alþýðusambandsins 23 og 24. október 2008. Grétar Þorsteinsson gaf ekki kost á sér til áframhaldandi setu sem forseti, í hans stað var Gylfi Arnbjörnsson kjörinn forseti ASÍ.

Gylfi hafði frá árinu 2001 verið framkvæmdastjóri ASÍ en hann kom fyrst til starfa hjá verkalýðshreyfingunni árið 1989, þá sem hagfræðingur Kjararannsóknarnefndar.  Hann var hagfræðingur ASÍ frá 1992-1997 og framkvæmdastjóri Eignarhaldsfélagsins Alþýðubankinn hf. frá 1997-2001.

Fjölmenntur formannafundur SGS var haldinn í Hafnarfirði í dag en fundurinn sem vera átti á Egilsstöðum í síðasta mánuði var frestað vegna efnahagskrísunnar og síðan fluttur til Hafnarfjarðar. Fundurinn var reglulegur fundur til afgreiðslu ársreikninga og starfsskýrslu.

Fulltrúar AFLs, VR, Fljótsdalshéraðs, Fjarðabyggðar, Vinnumálastofnunar Austurlandi, Þekkingarnets Austurlands og Starfsendurhæfingar Austurlands, hittust nú seinnipartinn í dag og á fundinum var m.a. ákveðið að þessir aðilar myndu stilla saman strengi sína í þeim erfiðleikum sem búast má við á vinnumarkaði á miðausturlandi.