AFL Starfsgreinafélag undirbýr nú kæru til Hæstaréttar eftir að Héraðsdómur Reykjavíkur vísaði í gær frá dómi máli AFLs á hendur Landsvaka, peningamarkaðssjóðs Landsbankans.
Stefna AFLs snerist ekki um peninga heldur upplýsingar - og þær vill héraðsdómur ekki að almenningur fái.
Afleiðingar efnahagslægðarinnar koma m.a. fram í undirboðum í vegagerð og framkvæmdum en athygli vekur að tilboð í vegaframkvæmdir hafa farið niður fyrir 60% af kostnaðaráætlunum. Þegar heyrast sögur um undirboð og afarkosti sem starfsmönnum eru settir m.a. varðandi kjör undir lágmarkskjörum kjarasamninga.
Aðalfundur ALCOA verður haldinn í Pittsburgh nk. föstudag. Síðustu ár hafa fulltrúar verkalýðsfélaga sem eiga samninga við ALCOA fyrirtæki haldið samráðsfund í borginni daginn fyrir aðalfund fyrirtækisins og mætt síðan á aðalfundinn með yfirlýsingu.
Úthlutun orlofshúsa fór fram á opnum fundi miðvikudaginn 22. apríl. Allir sem sóttu um eiga að hafa fengið bréf hvort sem þeir fengu úthlutun eða komust ekki að. Mikil aðsókn var á suma staði á vinsælustu orlofstímabilunum. Engu að síður standa þó nokkur tímabil óbókuð ennþá, félagsmönnu frjálst að sækja um þau í síma 4700305. Sjá laus tímabil:
Ábyrgðarsjóður launa hefur hafið greiðslu launa, orlofs og annarra réttinda sem starfsmenn Malarvinnslunnar á Egilsstöðum áttu við gjaldþrot fyrirtækisins.
Greiðslurnar eru innheimtar af Regula lögmannsstofu fyrir hönd starfsmannanna og eru þær færðar á reikning viðkomandi félagsmanna AFLs samstundis og þær berast.
Aðalfundur verslunarmannadeildar AFLs var haldinn á mánudaginn. Á fundinum voru hefðbundin aðalfundarstörf, auk þess sem málefndi deildarinnar voru rædd. Einnig var fjallað um niðurstöður hópavinnu ársfundar trúnaðarmanna, hlutverk verkalýðshreyfingarinnar í efnahagsþrengingum og fleira. Gunnhildur Imsland var endurkjörinn formaður. Erla G. Einarsdóttir Höfn Varaformaður.