Ársfundur trúnaðarmanna AFLs hefst á morgun og eru í dag síðustustu forvöð að skrá sig til þátttöku. Sjá dagskrá og fyrri kynningu hér að neðan.

Lögmenn AFLs hafa tekið saman punkta um innheimtuferil launa þegar fyrirtæki verða gjaldþrota. Þetta er gert til upplýsinga fyrir félagsmenn sem finnst þetta ganga ákaflega hægt enda biðin löng eftir launum sem fólk er þegar búið að vinna fyrir og þarf á að halda.

Undanfarnar vikur hafa níu konur stundað 170 kennslustunda fjölvirkjanám í Námsverinu á Reyðarfirði en námskeiðið er skipulagt af ÞNA í samvinnu við Vinnumálastofnun.　 Í fjölvirkjanáminu hefur aðal áherslan verið lögð á handverk og þá sérstaklega fatasaum, prjón og silfursmíði.　 Auk þess hafa konurnar fengið kennslu í sjálfstyrkingu og samskiptum og　 gerð færnimöppu og ferilskrár.　 Námskeiðinu lýkur með útskrift og sýningu á verkum nemendanna þann 9. apríl n.k.　 Ekki var annað að sjá í dag en að konurnar væru hæst ánægðar með námskeiðið enda hafa þær nú þegar beðið um framhaldsnámskeið.

Frestun launahækkana 2009 byggði m.a. á stöðugleikasáttmála verkalýðshreyfingarinnar við Samtök Atvinnulífsins og ríkisvald.  Efndir ríkisvalds hafa ekki verið miklar og nægir að minna á að nánast engar verklegar framkvæmdir eru á dagskrá eða hafa verið boðaðar. Nú hafa Samtök Atvinnulífsins sagt sig frá stöðugleikasáttmálanum og því hljóta launahækkanir þær er félagsmenn samþykktu frest á að koma til framkvæmda.

Dagskrá Ársfundar trúnaðarmanna AFLs Starfsgreinafélags liggur nú fyrir. Eins og áður hefur komið fram verður efni fundarins helgað starfssemi félagsins og stefnumótun. Aðeins einn frummælandi verður sóttur út fyrir raðir félagsmanna en það er Gísli Sverrir Árnason, stjórnsýslufræðingur, en hann skrifaði m.a. sögu verkalýðshreyfingarinnar í Austur Skaftafellssýslu. Skráning trúnaðarmanna stendur nú yfir og virðist stefna í mjög góða þátttöku þeirra. Fundurinn er aðeins opinn kjörnum trúnaðarmönnum AFLs á vinnustöðum svo og stjórn félagsins og starfsfólki.